,,17 მაისის მოვლენებში გამარჯვებული არავინ დარჩა, ყველა მხარემ წააგო", - განაცხადა პრესკონფერენციაზე ევროკავშირის სპეციალურმა მრჩეველმა თომას ჰამერბერგმა 17 მაისს განვითარებული პროცესების კომენტირებისას და აღნიშნა, რომ მომხდართან დაკავშირებით პრემიერის განცხადება გაბედული იყო.
,,გულდასაწყვეტი იყო მშვიდობიანი დემონსტრაციის დაშლის ფაქტი. ერთი ჯგუფის მოქალაქეებმა ვერ ისარგებლეს შეკრებისა და მანიფესტაციის ჩატარების უფლებით. 17 მაისის მოვლენებში გამარჯვებული არავინ დარჩა, ყველა მხარემ წააგო. ამავე დროს პრემიერ-მინისტრის განცხადება მოვლენებთან დაკავშირებით დროული გაბედული და პრინციპული იყო. მისასალმებელია ასევე ის ფაქტი, რომ ძალადობა პარლამენტში წარმოდგენილმა ყველა პარტიამ დაგმო. იმედია ნაბიჯები, რომელიც მომავალში გადაიდგმება არ გამოიწვევს დაპირისპირებას საზოგადოებაში", -განაცხადა ჰამერბერგმა.