17 მაისს განვითარებულ მოვლენებში პოლიციის დადანაშაულება სამართლიანი არ იქნება, - განაცხადა ევროკავშირის სპეციალურმა მრჩეველმა საქართველოს მთავრობისთვის სამართლებრივი და კონსტიტუციური რეფორმებისა და ადამიანის უფლებათა საკითხებში თომას ჰამერბერგმა.
მისი თქმით, რომ ხალხის მოზღვავება იმდენად დიდი იყო, პოლიციელებს გამკლავება გაუჭირდათ.
„ადგილზე არ ვყოფილვარ და ვნახე მხოლოდ ის ჩანაწერები, რაც გავრცელდა, კადრებში ჩანს, რომ ხალხის მოზღვავება იმდენად დიდი იყო, პოლიციელებს გამკლავება გაუჭირდათ. რამდენიმე პოლიციელი დაშავდა კიდეც. რომ არ ყოფილიყო პოლიციის მოქმედებები ისეთი როგორიც იყო, ვფიქრობ, უარესი შედეგი დადგებოდა, არ იქნება სამართლიანი, თუ ამ სიტუაციაში პოლიციას დავადანაშაულებთ, პრობლემა კონტრდემონსტრანტებში იყო", - განაცხადა თომას ჰამერბერგმა.
მასალის გამოყენების პირობები