"ევროპელი დემოკრატების" თავმჯდომარე პაატა დავითაიამ "პირველი რადიოს" პრესკლუბში სოჭის ოლიმპიადაზე პრემიერის შესაძლო დასწრებაზე ისაუბრა. დავითაიას თქმით, თუ ბიძინა ივანიშვილი ოლიმპიადაზე ჩავა, ეს ოკუპირებული ტერიტორიების დათმობის ტოლფასი იქნება.
დავითაიამ შესაძლო საპრეზიდენტო კანდიდატებიც განიხილა. მისი თქმით, უალტერნატივო კანდიდატი "ქართული ოცნებიდან" ირაკლი ალასანია იქნებოდა, თუმცა კოალიციამ გიორგი მარგველაშვილი დაასახელა.
როგორც პაატა დავითაია ამბობს, გაერთიანებული ოპოზიციის ერთ კანდიდატს, თუკი ის "ნაციონალური მოძრაობიდან" არ იქნება, გამარჯვების დიდი შანსი აქვს.
