მნიშვნელოვანია,რომ ყველას შეეძლოს საკუთარი აზრის გამოხატვა ძალადობის გარეშე, - ამის შესახებ განცხადება ევროკავშირის სპეციალურმა წარმომადგენელმა, კონსულტანტმა სამართლებრივ და კონსტიტუციურ საკითხებში თომას ჰამერბერგმა ხვალინდელ აქციასთან დაკავშირებით გააკეთა.
"დღევანდელი შეხვედრის იდეაც ისაა, რომ ჩვენ პატივი უნდა ვცეთ ნებისმიერი ადამიანის უფლებებს ვინც უნდა იყვნენ ისინი და უარი ვთქვათ მათ დისკრიმინაციაზე" , - აცხადებს ჰამერბერგი და იმედოვნებს, რომ ხვალინდელი აქცია ექსცესების გარეშე ჩაივლის.
17 მაისს ჰომოფობიის საერთაშორისო დღესთან დაკავშირებით თბილისში აქცია გაიმართება.
კათოლიკოს პატრიარქმა ხელისუფლებას აქციის ჩატარებაზე გაცემული ნებართვის გაუქმებისკენ მოუწოდა.