ამერიკის შეერთებული შტატების კონგრესის წარმომადგენელთა პალატაში საქართველოს პრეზიდენტის სახელით მიღება გაიმართა, სადაც მიხეილ სააკაშვილი სიტყვით გამოვიდა.
პრეზიდენტის ადმინისტრაციის ინფორმაციით, ქვეყნის პირველმა პირმა რეგიონში ამერიკის განსაკუთრებულ როლზე ისაუბრა და ხაზგასმით აღნიშნა ის წვლილი, რომელიც საქართველოს ISAF -ის მისიაში მონაწილეობით შეაქვს.
ამერიკელი კონგრესმენების წინაშე მიხეილ სააკაშვილმა კიდევ ერთხელ გამოხატა მწუხარება ავღანეთში „შირგაზას" ბაზაზე ქართველი სამხედროების დაღუპვის გამო.