,ამ ეტაპზე პოლიტიკურ ამნისტიაზე მუშაობა არ მიმდინარეობს", _განაცხადა ჟურნალისტებთან პარლამენტის ადამიანის უფლებებისა და სამოქალაქო ინტეგრაციის კომიტეტის თავმჯდომარემ ეკა ბესელიამ, რომელმაც სამომავლოდ ამ საკითხის დღის წესრიგში დაბრუნება არ გამორიცხა.
,,ამ ეტაპზე პოლიტიკურ ამნისტიაზე მუშაობა არ მიმდინარეობს. შესაძლოა მომავალში ამ საკითხს დავუბრუნდეთ, თუმცა საუბარია მხოლოდ იმაზე, რამდენად შესაძლებელია ამნისტია დაბალი რგოლის რიგით მოხელეებზე, რომლებიც, პრაქტიკულად, ნაკლები ბრალეულობით, ან ნაკლები გადაცდომით გამოირჩევიან. თანამდებობის პირებს რაც შეეხებათ, იმ ადამიანებს, რომლებიც ქმნიდნენ ძალადობრივ სისტემას, რომლებიც ადამიანებს აწამებდნენ, თავიანთ მდგომარეობას ბოროტად იყენებდნენ, მაღალი რანგზე როცა ვსაუბრობთ, იგულისხმება დეპუტატები, მთავრობის წევრები, მინისტრები, ასევე იგულისხმება პროკურორები მოსამართლეები, თუ სამმართველოს უფროსი, აქ პოლიტიკურ ამნისტიაზე საუბარი არ იქნება, ვფიქრობ, ამისთვის ჩვენი საზოგადოება მზად არ არის. მე მაინც მომხრე ვრჩები, რომ კანონს მივცეთ შესაძლებლობა და კანონმა გადაწყვიტოს ვინ, როგორ უნდა დაისაჯოს და არა პიროვნული გადაწყვეტილებით. ეს არის თემა, რომელიც არ დგას სამუშაო პროცესში, მაგრამ შესაძლოა მომავალში დადგეს, მაგრამ გარკვეული წინაპირობებით"_ განაცხადა ბესელიამ.
მასალის გამოყენების პირობები