ბიძინა ივანიშვილის განაცხადებით, ვადამდელი საპარლამენტო არჩევნების გამართვა არ განიხილება. როგორც პრემიერ-მინისტრმა ჟურნალისტებთან შეხვედრისას განაცხადა ამის უფლებამოსილება მიხეილ სააკაშვილს ჰქონდა და ახალი მთავრობა ხელოვნურად კრიზისს ვერ შექმნის.
,,ვადამდელ საპარლამენტო არჩევნების გამართვას უნდა ჰქონდეს საფუძველი კანონმდებლობით. ჩვენი ამ ინიციატივით, რომ გამოვიდეთ კრიზისი უნდა შეიქმნას სახელისუფლო და ჩვენ თვითონ ვერ შევქმნით კრიზის, რადგან უმრავლესობას ჩვენ წარმოვადგენთ და ჩვენ თვითონ ვერ დავითოვთ პარლამენტს და ხელოვნურად ამას ვერ გავაკეთებთ", _განაცხადა ჟურნალისტებთან ბიძინა ივანიშვილმა და აღნიშნა, რომ ვადამდელი საპარლამენტო არჩევნების დანიშვნის შესაძლებლობა პრეზიდენტს ჰქონდა.
,,ამის შესაძლებლობა ჰქონდა პრეზიდენტს. იმის ნაცვლად, რომ ეს გამოეყენებინა მუდამ, რომ გვაკრიტიკებს ქუჩაში გამოვიდა და ვის ელაპარაკებოდა ეს კაცი არ ვიცი. გამოდის 19 აპრილის დემონსტრაციაზე და ჩივის მთავრობაზე და არ მოსწონს მთავრობა. ეს იყო იუმორი და ეს არის ზუსტად ანეკდოტური სიტუაცია", -განაცხადა ივანიშვილმა და აღნიშნა, რომ პრეზიდენტმა ვადამდელი საპარლამენტო არჩევნებდი არ დანიშნა მხოლოდ იმის გამო, რომ ბოლომდე თავისი გუნდის წევრები არ გაწირა.
