პრემიერ-მინისტრის ბიძინა ივანიშვილის განცხადებით, საქართველოს ხელისუფლების მიმართ ევროპელებს მწვავე შეკითხვები აღარ აქვთ.
"ვსაუბრობ მართლმსაჯულების რეფორმასთან დაკავშირებით. ჩვენ მათ ვუთხარით, რომ გამოეგზავნათ ნებისმიერი კომისია და დამკვირვებლები, რათა ქვეყანაში მიმდინარე პროცესებისთვის თვალი მიედევნებინათ. ვფიქრობ, ამაზე მეტი დახმარება მათგან საჭირო აღარაა.
ექვს თვეში მოხდა ჩვენი ხელწერის დანახვა და ევროპელებს ჩვენს მიმართ შეკითხვები აღარ აქვთ", - განაცხადა ბიძინა ივანიშვილმა და აქვე დასძინა, რომ აღნიშნული მხოლოდ მართლმსაჯულების რეფორმას ეხება და ზოგადად, საქართველოს ევროპისა და საერთაშორისო თანამეგობრობისგან დიდი დახმარების იმედი აქვს.
