ირაკლი ალასანიასთვის ცნობილია, ვინ შეიძლება დასახელდეს კოალიცია ,,ქართული ოცნების" საპრეზიდენტო კანდიდატად. ამის შესახებ თავდაცვის მინისტრმა ირაკლი ალასანიამ საზოგადოებრივი მაუწყებლის ეთერში განაცხადა, თუმცა მეტი კონკრეტიკისგან თავი შეიკავა.
,,საპრეზიდენტო კანდიდატის შერჩევისას შეიძლება ითქვას სერიალის ბოლო სერია ნანახი მაქვს. დაახლოებით ვიცი ვინ შეიძლება დასახელდეს კონკრეტულად და ვის აქვს შანსი, რომ მის ირგვლივ კონსენსუსი შედგეს", _განაცხადა ირაკლი ალასანიამ და აღნიშნა, რომ ამ საკითხზე პრემიერთან კონსულტაციები უკვე ჰქონდა.
ირაკლი ალასანიას განცხადებით, ის ამ დრომდე მხარს უჭერს ძლიერი საპრეზიდენტო რესპუბლიკის არსებობას.
,,მე მხარს ვუჭერ და მიმაჩნია, რომ საქართველოში ძლიერი საპრეზიდენტო რესპუბლიკა, ძლიერი საპარლამენტო ზედამხედველობით, დამოუკიდებელი სასამართლოთი იქნება სწორი მოდელი", -განაცხადა ალასანიამ.
მასალის გამოყენების პირობები