საქართველოს დღევანდელი ხელისუფლება საკმარის ძალისხმევას არ ახორციელებს რუსეთის აგრესიის წინააღმდეგ - ამის შესახებ განცხადება "პრაიმტაიმის" პრესკლუბში დღევანდელ პრესკონფერენციაზე საქართველოს ანტისაოკუპაციო ეროვნულ განმათავისუფლებელი მოძრაობის ინიციატორთა დასის ერთ-ერთმა ლიდერმა ირაკლი წერეთელმა გააკეთა.
მისი თქმით, საქართველოს დეოკუპაციამდე ხელისუფლებამ პროტესტი უნდა გამოუცხადოს სოჭის ოლიმპიადას.
"ჩვენ პარლამენტის შენობის წინ ჩავატარებთ აქციას, სადაც ჩვენი მთავარი მოთხოვნა ქვეყნის დოლიპაცია იქნება. კიდევ ერთხელ მივმართავთ საქართველოს ხელისუფლებას რომ უარი თქვას და ბოიკოტი გამოუცხადოს სოჭის ოლიმპიადას. ჩვენ უნდა ჩავშალოთ ეს ოლიმპიადა, რაც დარტყმა იქნება რუსეთისთვის", - აცხადებს წერეთელი და დასძენს რომ საქართველოს დეოკუპაციის მოთხოვნით 14 მაისს მცხეთის სვეტიცხოვლის ტაძარში ერისკაცთა ლოცვა ჩატარდება.