,,ვანო მერაბიშვილმა სააკაშვილთან ბრძოლას ქვეყნის ინტერესები გადააყოლა", -განაცხადა ,,პირველი რადიოს" პრესკლუბში უფლებადამცველმა თეა თუთბერიძემ და აღნიშნა, რომ მერაბიშვილი ,,ქართულ ოცნებასთან" თანამშრომლობდა.
„სამწუხაროდ, მინდა ვაღიარო, რომ როგორც ჩანს ბევრ რამეს, როგორც „ნაცმოძრაობის" მხარდამჭერი ვერ ვაანალიზებდი ისე, როგორც ეს იყო საჭირო. მივიჩნევდი, რომ ვანო მერაბიშვილი იყო ამ ქვეყნის ხერხემალი და მასზე ბევრი რამ იყო დამოკიდებული, როგორც ერთ ერთ ძლიერ მინისტრზე, მაგრამ მას შემდეგ რაც არჩევნების წინ ის ვიდეორგოლები გავრცელდა, ე.წ. ციხის კადრები, მე მაშინ დავინახე, რომ რეალურად ჩვენ თავზე დაგვემხო სახელმწიფო და ამ ყველაფერში სამწუხაროდ აშკარად იკვეთება ვანო მერაბიშვილის ხელი. როგორც ჩანს, ვანო მერაბიშვილმა სააკაშვილთან ბრძოლას გადააყოლა ქვეყნის ინტერესები. მე კარგად ვიცი, როგორ შეიძლებოდა მსგავსი ვიდეოს გადაღება და ციხეში კინოსტუდიების მოწყობა. მაშინ როდესაც შინაგან საქმეთა სამინისტრო თითქმის იმას აკონრტოლებდა, ვინ ვისთან იწვა. მერაბიშვილი თავდაცვის სამინისტროს გარდა, ყველა უწყებას აკონტროლებდა", - განაცხადა თუთბერიძემ.
