საქართველოს პრეზიდენტი ნიზამი განჯავის საერთაშორისო ცენტრისა და მადრიდის კლუბის მიერ ორგანიზებულ სამხრეთ კავკასიის ფორუმის მუშაობაში იღებს მონაწილეობას.
პრეზიდენტის ადმინისტრაციის ინფორმაციით, მიხეილ სააკაშვილი ფორუმის გახსნის ცერემონიას დაესწრო, რომელზეც სიტყვით გამოვიდნენ აზერბაიჯანის პრეზიდენტი, იორდანიის დედოფალი, ლატვიის პრეზიდენტი (1999-2007), ნიდერლანდების პრემიერ-მინისტრი (1994-2002).
დღის მეორე ნახევარში დაგეგმილია საქართველოს პრეზიდენტის სიტყვით გამოსვლა სესიაზე: „ღია საზოგადოება, როგორც რთული კონფლიქტური სიტუაციების გადაჭრის საშუალება".
მასალის გამოყენების პირობები
