ქუთაისში პარლამენტის შენობის მშენებლობის საკითხით შესაძლოა საგამოძიებო ორგანო დაინტერესდეს. როგორც ჟურნალისტებთან რეგიონული განვითარებისა და ინფრასტრუქტირის მინისტრმა დავით ნარმანიამ ინფრასტრუქტურული პროექტებთან დაკავშირებული პრობლემების შემსწავლელი სამთავრობო კომისიის სხდომის დასრულების შემდეგ განაცხადა, ქუთაისში მდებარე საკანონმდებლო ორგანოს მშენებლობის შესახებ საკმარისი დოკუმენტაციების მოგროვების შემდეგ, იგი საგამოძიებო ორგანოს გადაეგზავნება.
"პარლამენტის შენობასთან დაკავშირებით გადავწყვიტეთ, რომ საპროექტო, ესპანურ კომპანიასთან კიდევ ერთხელ მოხდება დაკავშირება, რათა გამოთხოვილი იქნას საპროექტო დოკუმენტაცია. ასევე, იგივე დოკუმეტაციას ჩვენ გამოვითხოვთ ქუთაისის მერიისგან, რომელიც წარმოადგენდა პროდუქტის დამკვეთ ორგანიზაციას, საპროექტო დოკუმენტაცია დღემდე არაა წარმოდგენილი, შესაბამისად ამ დრომდე უცნობია, რის საფუძველზე იქნა განხორციელებული მშენებლობა. თუ ეს დოკუმენტაცია არ იქნება წარმოდგენილი, შემდგომი მსვლელობა ვერ მიეცემა ამ პროექტს, მით უმეტეს, რომ დევს ცალკეული მიმართულებების შეფასებებთან დაკავშირებით ექსპერტიზის ეროვნული ბიუროს რამდენიმე უარყოფითი დასკვნა", - განაცხადა დავით ნარმანიამ.
მასალის გამოყენების პირობები
