"თუ ფაბრიკაციას არ მიმართეს, არასდროს არაფერი დადასტურდება", - განაცხადა უშიშროების საბჭოს მდივანმა გიგა ბოკერიამ გადაცემა "პოზიციაში", პრემიერ-მინისტრის განცხადების კომენტირებისას საქართველოში ჩრდილოკავკასიელი ტერორისტების შესაძლო მომზადების შესახებ.
ბოკერიამ პრემიერ მინისტრის განცხადებას საზოანო და გულუბრყვილო უწოდა.
"რატომ არ დაელოდა პრემიერ-მინისტრი გამოძიებას, მით უფრო, რომ ესაა დემოკრატიულად არჩეული პრემიერ-მინისტრი და მის სიტყვებს აქვს დიდი დატვირთვა. ერთი მოტივი შეიძლება იყოს ის, რომ ეს რუსეთსაც აწყობს, ამით მოხდება მასთან ურთიერთობის დალაგების საქმეში წინსვლა, მაგრამ, მე ვფიქრობ, რომ ეს, გარდა იმისა, რომ უპრინციპობაა, პრაგმატულადაც გულუბრყვილობაა, რადგან თუ რუსეთთან ურთიერთობას იწყებ იმის აღიარებით, რომ შენ ტერორისტებს მფარველობდი აქამდე, ეს ძლიერი კი არა უსუსტესი პოზიცაა, მით უმეტეს, რომ მოგონილია და თუ ფაბრიკაციას არ მიმართეს, არასდროს არაფერი დადასტურდება", - განაცხადა გიგა ბოკერიამ.