,,დაახლოებით მაისის შუა რიცხვებისთვის ცნობილი იქნება, ვინ გახდება "ქართული ოცნების" საპრეზიდენტო კანდიდატი,-განაცხადა საგარეო საქმეთა მინისტრმა მაია ფანჯიკიძემ ჟურნალისტებთან შეხვედრისას და აღნიშნა, რომ პრემიერმა შეიძლება პოლიტსაბჭოზე განსახილველად რამდენიმე კანდიდატი გამოიტანოს. როგორც ფანჯიკიძემ ჟურნალისტებთან განმარტა, მისთვის ამ ეტაპზე უცნობია, ვინ შეიძლება იყოს საპრეზიდენტო კანდიდატი, მაგრამ იცის, რა კრიტერიუმებით არჩევს პრემიერ-მინისტრის საპრეზიდენტო კანდიდატს.
"ვიცი ის, რომ პრემიერმა შეიძლება რამდენიმე კანდიდატიც წარადგინოს განსახილველად პოლიტსაბჭოზე და რასაკვირველია, პოლიტსაბჭოს წევრებს იგი დაეკითხება აზრს ამა თუ იმ კანდიდატის შესახებ", - აღნიშნა ფანჯიკიძემ.