,,დიდი იმედი აღარ მაქვს, რომ შიგნით მოვახერხებთ ურთიერთობის დალაგებას ერთ-ერთ მინისტრთან", -განაცხადა ბიძინა ივანიშვილმა ,,ქორთიარდ მარიოტში" და აღნიშნა, რომ კოალიცია ,,ქართული ოცნება" გამჭვირვალედ მოქმედებს.
,,მე ეჭვი გამოვთქვი და საზოგადოება მოვამზადე იმისთვისაც, რომ ვაჩვენო ჩემი გულწრფელი დამოკიდებულება. დიდი იმედი აღარ მაქვს, რომ შიგნით მოვახერხებთ და დავალაგებთ სიტუაციას, თავის დროზე გაიგებთ ყველაფერს. კითხვები რომელიც არსებობს შიგნით აი, ესეც კი გამოვიტანე გარეთ. კითხვები, თუ პოზიტიურად გადაწყდა ღმერთა ქნას და იმასაც მოგიყვებით, რას ეხებოდა და ვისთან იყო ეს კითხვები. თუ გადაწყდა უარესად ამაშიც კარგად გაერკვევით", _განაცხადა ივანიშვილმა.