დავრჩებით ავღანეთში, ნატოს ახალი მისიის ფარგლებში, 2014 წლის შემდეგაც, - განაცხადა საქართველოს პრემიერ-მინისტრმა ბიძინა ივანიშვილმა სასტუმრო „ქორთიართ მერიოტში" ნატო-ს საპარლამენტო ასამბლეის ორგანიზებით მიმდინარე „როუზ-როს"-ის 83-ე სემინარზე.
"საქართველომ აგრეთვე დაადასტურა, რომ შესწევს უნარი, საკუთარი წვლილი შეიტანოს საერთო ევროატლანტიკური უსაფრთხოების განმტკიცებაში. 1600-კაციანი შემადგენლობით, საქართველო ნატოს არაწევრ ქვეყნებს შორის აისაფში(ISAF) სამხედრო კონტინგენტის უმსხვილესი კონტრიბუტორია და ჩვენ დავრჩებით ავღანეთში ნატოს ახალი მისიის ფარგლებში 2014 წლის შემდეგაც. ჩვენ ვთავაზობთ მოკავშირეებს საქართველოს ინფრასტრუქტურას ავღანეთიდან მომავალი ჯარებისა და ტვირთის ტრანზიტის უზრუნველსაყოფად. საქართველო უზრუნველყოფს უმოკლეს, ყველაზე ხელსაყრელ და რენტაბელურ მარშრუტს", - განაცხადა ივანიშვილმა.