სასტუმრო „ქორთიართ მერიოტში" ნატო-ს საპარლამენტო ასამბლეის ორგანიზებით „როუზ-როს"-ის 83-ე სემინარი იმართება. საქართველოში სემინარი უკე მეოთხედ ტარდება. სემინარს ესწრება ნატოს საპარლამენტო ასამბლეის პრეზიდენტი ჰიუ ბეილი, ასევე გენერალური მდივანი დევიდ ჰობსი.
სასტუმროში იმყოფებიან საქართველოს პრემიერი ბიძინა ივანიშვილი და პარლამენტის თავმჯდომარე დავით უსუფაშვილი. ამ წუთებში სემინარის მონაწილეებს სწორედ დავით უსუფაშვილი მიმართავს.
როგორც შეხვედრის დაწყებამდე პრემიერმა განაცხადა, საქართველოს ნატოში შესვლისთვის აბსოლუტური მზაობა აქვს, თუმცა არის რაღაც პროცესები, რაც ამას ხელს უშლის.
,,საქართველოს ნატოში ინტეგრაციას რაღაც პროცესები ხელს უშლის, მათ რიცხვში ძალიან ამძიმებს ტერიტორიების ოკუპირებული ნაწილი. ვფიქრობ, რომ უახლოეს დროში ჩვენი აქტიურობითა და ჩვენი სტრატეგიის გაგრძელებით აუცილებლად მოვახერხებთ და გავხდებით ნატოს წევრი ქვეყანა", -განაცხადა ივანიშვილმა
სემინარს ნატოს საპარლამენტო ასამბლეის წევრი ქვეყნების დელეგაციები, არასაპარლამენტო დამკვირვებლები, არასამთავრობო ორგანიზაციები, საქართველოს მთავრობისა და პარლამენტის წევრები ესწრებიან.
