"ქართველები ათეული წლების განმავლობაში იზრდებიან შოვინიზმისა და ქსენოფობიის პირობებში და ქართველი და ოსი ხალხი ძმები არასოდეს ყოფილან", _ ნათქვამია ე.წ. სამხრეთ ოსეთის ე.წ. საგარეო საქმეთა სამინისტროს მიერ გავრცელებულ განცხადებაში, რომელიც საქართველოს პრემიერ-მინისტრის ბიძინა ივანიშვილის სტრასბურგში გამოსვლას ეხმაურება.
სეპარატისტები განცხადებაში უკმაყოფილებას გამოთქვამენ იმასთან დაკავშირებით, რომ საქართველოს პრემიერმა აფხაზეთი და ცხინვალის რეგიონი ოკუპირებულ ტერიტორიებად მოიხსენია. ამას გარდა, მათი უკმაყოფილება გამოიწვია იმანაც, რომ ივანიშვილმა აფხაზებსა და ოსებს ქართველი ხალხის ძმები უწოდა.
"ოსი და ქართველი ხალხი ძმები არასოდეს ყოფილან, ისინი უბრალოდ, ბედისწერის გამო მეზობლები იყვნენ",_ წერენ სეპარატისტები და აღნიშნავენ, რომ "სამხრეთ ოსეთში ქართველი ლიდერების მიერ მაღალი ევროპული ტრიბუნებიდან გაკეთებული ყალბი და ხმამაღალი განცხადებების არ სჯერათ".
მასალის გამოყენების პირობები