,,პრეზიდენტმა პარლამენტს პროცედურული ომი გამოუცხადა", -განაცხადა ,,პრაიმ ტაიმის" პრესკლუბში სტუმრობისას პარლამენტის წესებისა და საპროცედურო საკითხთა კომიტეტის თავმჯდომარემ ირინა იმერლიშვილმა მიხეილ სააკაშვილის გადაწყვეტილების კომენტირებისას და აღნიშნა, რომ პრეზიდენტის ვეტომ დაადასტურა, რომ ყოფილ ხელისუფლებას, იუსტიციის უმაღლესი საბჭო ჯიბეში ჰყავდა ჩადებული.
"საერთო სასამართლოების შესახებ კანონზე პრეზიდენტის ვეტო მოულოდნელი არ ყოფილა. პრეზიდენტმა პროცედურული ომი გამოუცხადა საქართველოს პარლამენტს. ამ შენიშვნებით დასტურდება რომ ჩვენს პრეზიდენტს, ყოფილ ხელისუფლებას, იუსტიციის უმაღლესი საბჭო ჰყავს ჯიბეში და არ უნდა მისი გაშვება", _განაცხადა იმერლიშვილმა და აღნიშნა, რომ პარლამენტი ვეტოს დასძლევს.
შეგახსენებთ, რომ პრეზიდენტმა პარლამენტის მიერ მიღებულ ორ კანონპროექტს, რომელიც ეხება საქართველოს იუსტიციის უმაღლესი საბჭოს დაკომპლექტებას და საბჭოს მოქმედი შემადგენლობისთვის უფლებამოსილების ვადამდე შეწყვეტას, მეორე კანონპროექტი კი ბრალდებულის უფლების შეზღუდვას, თავად აირჩიოს მის მიმართ მიმდინარე სისხლის სამართლის საქმე განხილულ იქნას ნაფიც მსაჯულთა სასამართლოს მიერ თუ მის გარეშე, ვეტო დაადო.
მასალის გამოყენების პირობები