"ევროპელი-დემოკრატების" ლიდერის, პაატა დავითაიას განცხადებით, არსებობს ეჭვი, რომ საქართველოს დღევანდელი ხელისუფლება სეპატარისტებთან და მოსკოვთან შეთანხმებით ერთიანი სქემით მოქმედებს.
ამის შესახებ განცხადება დავითაიამ "პრაიმტაიმის" პრესკლუბში დღევანდელ პრესკონფერენციაზე დე-ფაქტო ოსეთის მიერ გავრცელებული განცხადების კომენტირებისას განაცხადა, რომელის მიხედვითაც ოსები 2008 წლის აგვისტოს ომის მოვლენების გამოძიებას აპირებენ.
დავითაიას თქმით, "შესაძლოა ადგილი ჰქონდეს მიზანმიმართულ ქმედებებს რომ ვიღაცამ სიამოვნება მიიღოს რუსეთის ფედერაციაში".
"სეპარტაისტთა პროკურატურამ ოსეთში 2008 წლის მოვლენებთან დაკავშირებით აღძრა სისხლის სამართლის საქმე. ეს არის აგრესიული მიდგომა. საქართველოს ხელისუფლების მხრიდან განხორციელებული მასიამალური დათბობის პოლიტიკის შედეგად რეს სეპარატისტები მაქსიმალურ აგრესიაზე გადადიან. რუსეთის ხელისუფლება კი ამ დროს მოქმედებს სეპარატისტებთან შეთანხმებით. მე არ გამოვრიცხავ რომ შესაძლოა ხდება მიზანმიმართული მოქმედება რომ ვიღაცამ სიამოვნება მიიღოს რუსეთის ფედერაციაში. ჩნდება ეჭვი რომ საქართველოს ხელისუფლება რუსეთთან და სეპარატისტებთან ერთიანი სქემით მოქმედებს", - აცხადებს დავითაია და დასძენს რომ ოსი სეპარატისტების მსგავსად 1992-93 წლების მოვლენებთან დაკავშირებით გამოძიების დაწყებას აფხაზი სეპარატისტებიც აპირებენ.