,,მიხეილ სააკაშვილმა უნდა თქვას, რომ "რუსთავი-2" მას ეკუთვნის", -განაცხადა ჟურნალისტებთან პრემიერ-მინისტრმა ბიძინა ივანიშვილმა და აღნიშნა, რომ ერთ-ერთი შეხვედრის დროს პრეზიდენტს აღიარებინა, რომ ,,რუსთავი-2" მას ეკუთვნის.
"სააკაშვილს ეს ჩემთან მესამე შეხვედრაზე ვაღიარებინე. ვუთხარი, თვალებში შემომხედე და მითხარი, ხომ შენია "რუსთავი 2"-მეთქი. მითხრა, ჩემიაო. საჯაროდ გამოდი და თქვი-მეთქი. დამპირდა რომ იტყოდა საჯაროდ. შეგიძლიათ, შეახსენოთ. სააკაშვილმა საჯაროდ უნდა თქვას, რომ "რუსთავი 2" მას ეკუთვნის", - განაცხადა ჟურნალისტებთან ევროპარლამენტში გამოსვლის შემდეგ პრემიერმა.
