,,რუსეთის მიმართ ჩვენი პოზიცია იქნება კორექტული, მაგრამ პრინციპული", _განაცხადა ევროსაბჭოში სიტყვით გამოსვლისას ბიძინა ივანიშვილმა და აღნიშნა, რომ არცერთი მხარე არსებული წითელი ხაზების გადაკვეთას არ აპირებს.
,,ჩვენ უნდა წარვმართოთ დიალოგი რუსეთთან, რომელიც ჩვენი ყველაზე დიდი მეზობელი სახელმწიფოა. Aახალი, პრაგმატული მიდგომით დავიწყეთ ორმხრივი დიალოგი რუსეთთან. რუსულ ბაზარზე ვაბრუნებთ ქართულ პროდუქციას. რუსეთის მიმართ ჩვენი პოზიცია იქნება კორექტული, მაგრამ პრინციპული. რუსეთთან ურთიერთობაში ჩემი სპეციალური წარმომადგენლის დანიშვნა დემონსტრირებაა, რომ ჩვენ მზად ვართ ახალი ურთიერთობისთვის. ჩვენ ორივე მხარეს გვაქვს წითელი ხაზები, რომლის გადაკვეთას არ ვაპირებთ", -განაცხადა ივანიშვილმა და აღნიშნა, რომ კავკასიის რეგიონში კონფლიქტების საშიშროება კიდევ არსებობს და საქართველო განსაკუთრებული გამოწვევის წინაშე დგას.
