,,ბატონ ბიძინასგან განსხვავებით, სატელეფონო საუბარზე საჯაროდ საუბარს თავს ვარიდებ", - განაცხადა ჟურნალისტებთან კოალიცია ,,ქართული ოცნების" წევრმა კობა დავითაშვილმა ბიძინა ივანიშვილის განცხადების კომენტირებისას და აღნიშნა, რომ მის საკითხს პოლიტსაბჭო გადაწყვეტს.
,,ბატონი ბიძინა დამიკავშირდა, მაგრამ მისგან განსხვავებით ჩვენს სატელეფონო საუბარზე საჯაროდ საუბარს თავს ვარიდებ იმიტომ, რომ როდესაც ტელეფონით ადამიანთან ვსაუბრობ მერე საჯაროდ ამაზე ტელევიზიით არ ვსაუბრობ. არცერთი ნაბიჯით არ გადამიხვევია არც კონსტიტუციიდან, არც გუნდური პრინციპიდან, ამიტომ არ ვაპირებ არც უმრავლესობის და არც პარლამენტის დატოვებას. თუ ვინმეს მიაჩნია სხვანაირად, ეს მისი გადასაწყვეტია. პოლიტსაბჭოს გადაწყვეტილებას დაველოდები. ხვალ და ზეგ რაიმე აქტივობას არ ვაპირებ. Pპოლიტსაბჭომ მიიღოს გადაწყვეტილება პოლიტიკურ გუნდში ყოფნა არყოფნის თაობაზე. Mმე არაფრის დატოვებას არ ვაპირებ და თავს ბრალეულად არ ვგრძნობ", _განაცხადა კობა დავითაშვილმა.
შეგახსენებთ, რომ ბიძინა ივანიშვილის განცხადებით, ის კობა დავითაშვილს ,,სასტიკად ეჩხუბა". Mმიზეზი დავითაშვილის მიერ გაკეთებული განცხადება გახდა, სადაც კობა დავითაშვილმა ჯანდაცვის მინისტრი სადაზღვევო კომპანიებთან შესაძლო გარიგებაში დაადანაშაულა.
