ევროსაბჭოს საპარლამენტო ასამბლეის საგაზაფხულო სესიის ფარგლებში, დღეს ბიძინა ივანიშვილი ვოიცეკ სავიცკის შეხვდა.
მთავრობის პრესამსახურის მიერ გავრცელებული ინფორმაციის მიხედვით, საქართველოს პრემიერ-მინისტრმა ევროპის საბჭოს საპარლამენტო ასამბლეის გენერალურ მდივანს საქართველოში მიმდინარე რეფორმები გააცნო.
საუბარი ასევე შეეხო საქართველოსა და რუსეთს შორის ურთიერთობების დარეგულირების საკითხს.
ევროპის სასახლეში გამართულ შეხვედრას, ქართული დელეგაციის სხვა წევრებიც დაესწრნენ.