რუსეთის დუმის საერთაშორისო საქმეთა კომიტეტის თავმჯდომარემ ალექსეი პუშკოვმა განაცხადა, რომ ევროსაბჭოს საპარლამენტო ასამბლეაში რუსეთის დელეგაციის წევრები საქართველოს პრემიერ-მინისტრის ბიძინა ივანიშვილის წინაშე დააყენებენ საკითხს მოსკოვის მიმართ საქართველოს საგარეო პოლიტიკის ცვლილების შესახებ. ინფორმაციას ამის შესახებ რუსული მედია ავრცელებს.
"მაგრამ ივანიშვილი.... ჩვენ ვაპირებთ ვკითხოთ მას თუ რამდენად აპირებს ის შეცვალოს საგარეო პოლიტიკა, კერძოდ რუსეთთან მიმართებაში, იმიტომ, რომ ჯერ ჯერობით, საქართველოს ხელისუფლების ყველა ოფიციალური განცხადება იმ პოლიტიკის ჩარჩოებში მიმდინარეობს, რომელსაც სააკაშვილი აწარმოებდა", _ განაცხადა პუშკოვმა და აღნიშნა: "ჩვენ გვინდა გავიგოთ თუ რა ცვლილებები იქნება ისეთი, რომლებიც მოგვცემს საშუალებას იმისა იმედი ვიქონიოთ, რომ საქართველოსთნა ურთიერთობები გაუმჯობესდება".
