,,ნაციონალური მოძრაობა" დღეს, უბრალოდ ახდენს ფურორს, ვითომ რაღაც შეუძლია", -განაცხადა ,,ჯი-ეიჩ-ენთან" საუბარში ექსპერტმა პოლიტიკის საკითხებში კახა კახიშვილმა ,,ნაციონალური მოძრაობის" მიერ გამართული აქციის კომენტირებისას და აღნიშნა, რომ პარლამენტის ყოფილ შენობასთან დაახლოებით 10000-15000-მდე ადამიანი იყო შეკრებილი.
,,თავად ,,ნაციონალური მოძრაობის" წევრებსაც გაუკვირდათ, ხელისუფლებამ მათი მხარდამჭერებს ხელი არ შეუშალა, რომ შეკრებილიყვნენ რუსთაველის გამზირზე. მათი მოლოდინი იყო, რომ მათთაც ისე მოექცეოდნენ, როგორ ,,ნაციონალური მოძრაობის" წევრები ექცეოდნენ ოპოზიციას', _ განაცხადა კახა კახიშვილმა და აღნიშნა, რომ სააკაშვილის გუნდმა მოახდინა ძალის დემონსტრირება, თითქოს რაღაც შეუძლიათ.
,,ეს არის სუფთა ტაქტიკური ქმედება, რომ არ დაკარგონ ამომრჩეველი და მათი მხარდამჭერები სხვა პარტიაში არ გადავიდნენ, ან პოლიტიკურად არაქტიურები არ გახდნენ", - განაცხადა ,,ჯი-ეიჩ-ენთან" საუბარში კახა კახიშვილმა და აღნიშნა, რომ ,,ნაციონალური მოძრაობის" სამომავლო შანსები დამოკიდებულია პროკურატურაში მიმდინარე გამოძიებებზე.
,, ,,ნაციონალური მოძრაობის" შანსები დამოკიდებულია იმაზე როგორ წარიმართება გამოძიება და ხალხისთვის რა გახდება ცნობილი იმ დანაშაულების შესახებ, რომელსაც ადგილი ჰქონდა მათი მმართველობის პერიოდში", _ განაცხადა ,,ჯი-ეიჩ-ენთან" საუბარში კახა კახიშვილმა და აღნიშნა, რომ პოლიციამ საკმაოდ კარგად იმუშავა.