,,უღირსობაა, როცა იუშCენკოს საქართველოს მთავრობამ გაუგზავნა საპნის, შამპუნის ანგარიში", -განაცხადა მიხეილ სააკაშვილმა აქციაზე სიტყვით გამოსვლისას.
,,ვლადიმერ პუტინმა ოთხნახევარი წლის წინ როცა ვერ აიღო თბილისი, ვერ იღო იმიტომ, რომ ჩვენ დავდექით აქ, იმიტომ, რომ ჩვენ ჩავკიდეთ ერთმანეთს ხელი, იმიტომ, რომ ჩვენი მეგობრები ჩამოვიდნენ. აქ ჩვენს დასახმარებლად აგუტინი კი არ ჩამოვიდა, ჩამოვიდა პრეზიდენტი კაჩინსკი, პრეზიდენტი იუშჩენკო, პრეზიდენტი სარკოზი, ვიცე-პრეზიდენტი ბაიდენი. დღეს უღირსობაა, როდესაც ადამიანმა, რომელმაც მოგცა საჰაერო დაცვის სისტემები, რომლითაც ჩვენ ჩამოვყარეთ პირველად ისტორიაში 12 რუსული თვითმფრინავი და ჩვენ ვიყავით პირველი ქვეყანა, რომელიც რუსეთამა მთლიანად ვერ დაიპყრო, ამ ქვეყნის პრეზიდენტს იუშCენკოს საქართველოს მთავრობამ გაუგზავნა საპნის, შამპუნის ანგარიში. ასეთი საქართველო გვინდა, სადაც მეგობრებს ასე ხვდებიან?! ჩვენ ონიშჩენკოს ბოდიშებს უნდა ვუხდიდეთ, ევროპას დედას უნდა ვაგინებდეთ და იუშჩენკოს აბანოს ანგარიშს უნდა ვუგზავნიდეთ?! ასეთი საქართველო გვინდა რომელიმე ჩვენგანს, რომ არ გვინდა, ეს ძალიან კარგად გამოჩნდა ამ პროსპექტზე", - განაცხადა მიხეილ სააკაშვილმა.
