"დღევანდელი დღე 19 აპრილი უკვე შევიდა საქართველოს ისტორიაში. აქ მოსვლით თქვენ ისტორიას ჩააბარეთ ის საფრთხე, რომლის წინაშეც აქამდე საქართველო იდგა", _ განაცხადა პარტია "ნაციონალური მოძრაობის" აქციაზე სიტყვით გამოსვლისას პარტიის გენერალურმა მდივანმა ვანო მერაბიშვილმა.
მისივე თქმით, ამ დღის მერე ვერავინ, "ვერც ივანიშვილი ვერც მისი მინისტრები, ვერც ვლადიმერ პუტინი და ვერც ვერავინ ვერ გაბედავს იოცნებოს, რომ საქართველო ოდესმე დაშორდება ევროპას".
"დღევანდელი ვერც ერთი პოლიტიკური ლიდერი ვერ გაიფიქრებს სიზმარშიც ხომ არ დავბრუნდეთ უკან. ჩვენ დღეს გავიმარჯვეთ, დღევანდელმა ხელისუფლებამ დაინახა, რომ საქართველოში არის ხალხი ვინც არ დაუშვებს საქართველოს უკან დაბრუნებას . დღევანდელ დღეს დაესვა ამას წერტილი. მე ვარ ბედნიერი კაცი.
დღეს 2013 წელს როდესაც საფრთხის ქვეშ დადგა საქართველოს ორიენტაცია მის დასაცავად ათი ათასობით ადამიანი გამოვიდა ქუჩებში. ამიტომ მე ვაფრთხილებ საქართველოს ხელისუფლებას ხელები შორს საქართველოს დამოუკიდებლობისაგან", _ განაცხადა მერაბიშვილმა.
მასალის გამოყენების პირობები