,,დემოკრატიული მოძრაობის" ლიდერი ნინო ბურჯანაძე საქართველოს პრეზიდენტს მიხეილ სააკაშვილის დებატებში იწვევს. როგორც ბურჯანაძემ ,,რუსთავი-2"-თან საუბარში სააკაშვილის განცხადების კომენტირებისას განაცხადა აუცილებლად უნდა ჩატარდეს 2008 წლის აგვისტოს ომის საქმეზე გამოძიება.
,,ადრე თუ გვიან ეს გამოძიება აუცილებლად ჩატარდება, ისევე როგორც გამოძიება ჩატარდება სხვა იმ რეზონანსულ საქმეებთან დაკავშირებით რომელთა მიმართებაში პირდაპირი დანაშაული აქვს ჩადენილი პირადად სააკაშვილსა და ,,ნაციონალურ მოძრაობის" სხვა ლიდერებს და საქართველოში აუცილებლად სამართალი იზეიმებს. მე მზად ვარ პრეზიდენტთან ერთად დებატებში მივიღო მონაწილეობა, ნებისმიერ პირდაპირ ეთერში", -განაცხადა ნინო ბურჯანაძემ.
შეგახსენებთ, რომ მიხეილ სააკაშვილის განცხადებით, აგვისტოს ომის ხელახალი გამოძიება საჭირო არ არის, რადგან ამ საკითხზე ტალიავინის დასკვნა უკვე არსებობს. თუმცა ,,პოზიციაში" პრეზიდენტმა განაცხადა, რომ იგი მზადაა აგვისტოს ომის თაობაზე პარლამენტში მივიდეს.