,,ნაციონალური მოძრაობა" საპრეზიდენტო კანდიდატს პრაიმერის წესით აირჩევს. ამის შესახებ გადაცემა ,,პოზიციაში" მიხეილ სააკაშვილმა განაცხადა და აღნიშნა, რომ საპრეზიდენტო კანდიდატის არჩევა გამჭვირვალე პროცესი უნდა იყოს.
,,როცა იქნება საპრეზიდენტო კანდიდატის საკითხი. სხვადასხვა საპრეზიდენტო კანდიდატი იქნება, ერთიც, მეორეც, შეიძლება ოცი კანდიდატიც იყოს. ჩვენ ვართ ძალიან დემოკრატიული პარტია და ბევრი კანდიდატი იქნება. ამის შესახებ არაერთხელ ითქვა პარტიაში და მეც მოსმენილი მაქვს მათგანაც და ჩემგანაც მათ. იქნება ე.წ. პრაიმერისი და თქვენს სტუდიაში მოვლენ სიტყვაზე ვამბობ ,,ნაციონალური მოძრაობის" ათი საპრეზიდენტო კანდიდატი და ერთმანეთს ელაპარაკებიან, მათ შორის წარსულის შეცდომებზე, მომავლის გეგმებზე ეს უნდა იყოს გამჭვირვალე პროცესი", -განაცხადა მიხეილ სააკაშვილმა და აღნიშნა, რომ პრაიმერის წესით საპრეზიდენტო კანდიდატის არჩევის ინიციატორი სწორედ ივანე მერაბიშვილია.