ჩვენ გვაქვს ვალდებულება, საერთაშორისო სასამართლო გეუბნება და ჩვენი ინტერესია, რომ საერთაშორისო სასამართლომ ეს გამოიძიოს. განაცხადა საქართველოს პრეზიდენტმა მიხეილ სააკაშვილმა აგვისტოს ომის გამოძიების თემასთან დაკავშირებით.
პრეზიდენტმა აღნიშნა, რომ "ჰიუმან რაითს უოჩის" პირველივე მოხსენებაში ნათქვამია, რომ ქართველი ჯარისკაცები იქცეოდნენ ძალიან კარგად.
"როდესაც ქართველი ჯარისკაცები შედიოდნენ სოფელში, ადგილობრივებს ეუბნეოდნენ, რომ მიშამ გვითხრა ოსები ჩვენი ძმები არიან და მე ამით ვამაყობო. ყველა ანგარიშში ნათქვამია, რომ მეორე მხარე ადამიანის უფლებებს არღვევდა", - განაცხადა საქართველოს პრეზიდენტმა რუსთავი 2-ის გადაცემა "პოზიციაში.
მიხეილ სააკაშვილმა აღნიშნა, რომ საერთაშორისო გამოძიება არის ძალიან გრძელვადიანი პროცესი, "რომელიც ხშირ შემთხვევაში იმედისგამცრუებელია".
"საერთაშორისო გამოძიება თავისით მიდის. ეს არის ძალიან გრძელვადიანი პროცესი, რომელიც ხშირ შემთხვევაში იმედისგამცრუებელია, რადგან დიდი ბიუროკრატიაა. მეორე პრობლემა არის ის, რომ რუსეთი ხელმიუწვდომელია, ამიტომ რუსეთს ვერ კითხავენ. თუ დადგინდება, რომ კოკოითი დასაჭერი იქნება, რუსეთი მას არ დაგვაჭერინებს და სადმე აგარაკზე მოათავსებს. თავისთავად კარგია, რომ რუსეთში იცხოვრებს ისეთი ადამიანი, რომელზეც საერთაშორისო სასამართლომ გასცა სანქცია", - განაცხდა მიხეილ სააკაშვილმა.
