შუალედურ არჩევნებს ათამდე საერთაშორისო დამკვირვებელი დააკვირდება. ამის შესახებ ჟურნალისტებთან საგარეო საქმეთა მინისტრის მოადგილემ დავით ზალკალიანმა სამინისტროში გამართულ ბრიფინგზე განცხადა.
,,ჩემი ინფორმაციით ათამდე დამკვირვებელია სხვადასხვა ქვეყნიდან, რომლებიც დააკვირდებიან შუალედურ არჩევნებს", -განაცხადა ზალკალიანმა და აღნიშნა, რომ დამკვირვებელთა რაოდენობას თავად ეუთო წყვეტს.
,,ეს საკითხი ეუთოს გადასაწყვეტია. როგორც წესი ისინი შუალედურ არჩევნებზე იშვიათად ჩადიან ხოლმე, ან მათი დამკვირვებლების რაოდენობა დიდი არ არის. რახან სამ მაჟორიტარულ ოლქში რჩება არჩევნები, მე მგონი, ათამდე დამკვირვებელი სავსებით საკმარისი იქნება", _განაცხადა ზალკალიანმა და აღნიშნა, რომ დამკვირვებლები საქართველოში 27 მარტს უკვე ჩამოვიდნენ.
შეგახსენებთ, რომ შუალედური არჩევნები სამ მაჟორიატარულ ოლქში სამტრედიაში, ბაღდათსა და ნაძალადევში 27 აპრილს გაიმართება.
