თავდაცვის მინისტრის ირაკლი ალასანიას განცხადებით, აგვისტოს ომის დოკუმენტაციისა და ქართული მხარის გადადგმული ნაბიჯების შესწავლა უკვე დაწყებულია.
როგორც მან აღნიშნა, არავინ სვამს შეკითხვებს იმასთან დაკავშირებით, რომ 2008 წლის აგვისტო იყო აგრესიული ომის საქართველოს წინააღმდეგ და ქვეყნის ტერიტორიის ნაწილი ოკუპირებულია.
"ზოგიერთი შეშფოთებულია ალბათ, რომ საქართველო რომ ვერ დაიცვეს, 8 მილიარდი რომ იყო ჩვენს თავდაცვაში დახარჯული და სამწუხაროდ, არ იყო გამართული არც კომუნიკაცია, არც ევაკუაციის გეგმა, არც რეზერვი არ იყო მზად. ალბათ ამაზე პასუხის გაცემისგან თავის დაძვრება უნდათ, მაგრამ ვერ დაიძვრენენ თავს", - განაცხადა ალასანიამ.
მისივე თქმით, ომის საკითხის გამოძიება საჭიროა, რადგან მომავალში საქართველოს შეიარაღებულმა ძალებმა იგივე შეცდომები არ დაუშვას.
