აგვისტოს ომის შესასწავლად მთავარ პროკურატურაში საგამოძიებო ჯგუფი შეიქმნება - ამის შესახებ მთავარმა პროკურორმა არჩილ კბილაშვილმა განაცხადა.
მთავარმა პროკურორმა განმარტებები ამ თემებზე ევროსაბჭოს საპარლამენტო ასამბლეის მონიტორინგის კომიტეტის წევრებთან შეხვედრის შემდეგ გააკეთა.
კბილაშვილმა დღეს პრეზიდენტის შესაძლო დაკითხვასთან დაკავშირებით ინფორმაცია კიდევ ერთხელ დაადასტურა.
როგორც მან აღნიშნა, დაიკითხება ყველა, ვის დაკითხვასაც გამოიძიება თანამდებობის მიუხედავად გადაწყვეტს.
"ჩვენ ნამდვილად მოგვიწევს საგამოძიებო ჯგუფის შექმნა, რომელიც შეისწავლის აგვისტოს ომთან დაკავშირებულ სამართლებრივ საკითხებს. ჩვენი ამოცანა არის, სამართლებრივ ასპექტში შევისწავლოთ ჰქონდა თუ არა ადგილი ომის დანაშაულებს. სხვა ტიპის შესწავლა, ვთქვათ პარლამენტი რასაც აკეთებს ან გააკეთებს, ეს რა თქმა უნდა, პოლიტიკოსთა უფლება და საგანია და ჩვენ მას არ შევეხებით", - განმარტა კბილაშვილმა.
მისივე თქმით, ვის მიმართ ჩატარდება გამოძიება და ვის დაიკითხება, ეს საგამოძიებო ჯგუფის შექმნის შემდეგ დაიგეგმება.