პოლონეთის რესპუბლიკაში ოფიციალურ ვიზიტად მყოფმა პარლამენტის თავმჯდომარემ დავით უსუფაშვილმა მეორე მსოფლიო ომის დროს პოლონეთის არმიაში მებრძოლი ქართველი ოფიცრების მემორიალი გვირგვინით შეამკო.
დავით უსუფაშვილმა პატივი მიაგო იმ ქართველ მებრძოლებს, რომლებმაც 1939-1945 წლებში სიცოცხლე გაწირეს პოლონეთის რესპუბლიკის დამოუკიდებლობისთვის ბრძოლაში.
საპარლამენტო დელეგაციამ ვარშავის აჯანყების მუზეუმი დაათვალიერა და ფაშისტური გერმანიის ოკუპაციის თაობაზე მომზადებული დოკუმენტური კადრებიც ნახა.
მეორე მსოფლიო ომის შედეგად ვარშავა მთლიანად განადგურდა და პოლონელ ხალხს მისი ხელახლა მშენებლობა მოუწია.
დავით უსუფაშვილმა მუზეუმის სამახსოვრო წიგნში სპეციალური ჩანაწერიც გააკეთა.