პრემიერ-მინისტრ ბიძინა ივანიშვილის განცხადებით, საქართველოს მესამე პრეზიდენტთან დაკავშირებით, უნდა მოვახერხოთ და კულტურულად მოვექცეთ.
როგორც მან აღნიშნა, შემთხვევითი არ ყოფილა, რომ ქართველებმა თავისუფლებისთვის თამამი ნაბიჯი პირველებმა გადადგეს.
მისი თქმით, ქართველებმა გაილაშქრეს და თავისუფლებისთვის სისხლი დაღვარეს.
"ამის შემდეგ, მოვახერხეთ თავისუფლების აღდგენა, მაგრამ ისიც მოვახერხეთ, რომ ჩვენი პირველი პრეზიდენტი ცოცხალი აღარაა. მეორე პრეზიდენტს როგორ მოვექეცით. ახლა მესამის ჯერია და მოვახერხოთ ჩვენ, რომ კულტურულად მოვიქცეთ. მოვახერხოთ თავისუფლებისკენ სწრაფვის გარდა, ვაჩვენოთ ჩვენი დიდი კულტურა, შედეგი ჩვენი დიდი კულტურის და მოვახერხოთ ჩვენი წეშმარიტი გაერთიანება", - განაცხადა პრემიერმა.
დღეს, 9 აპრილთან დაკავშირებით ღონისძიება გაიმართა. უზენაესი საბჭოს წევრების შეხვედრას ახალი მოწვევის პარლამენტის წევრებთან პრემიერ-მინისტრი ესწრებოდა. მან შეხვედრის მონაწილეებს სიტყვითაც მიმართა.
