თურქეთში ვიზიტის დროს საქართველოს პრეზიდენტმა მიხეილ სააკაშვილმა ხელი მოიტეხა. როგორც პრეზიდენტის ადმინისტრაციის განცხადებაშია ნათქვამი, ვიზიტის დროს, 6 აპრილს თურქეთის პრემიერ-მინისტრ რეჯეფ თაიფ ერდოღანთან პრეზიდენტის მოლაპარაკება და სადილი შედგა.
"მომდევნო დღეს, ველოსიპედით ყოველდღიური ვარჯიშის დროს მიხეილ სააკაშვილი დაშავდა. სტაბულის საავადმყოფოში გამოკვლევისას მას დაუდგინდა მხრის სამმაგი მოტეხილობა. პრეზიდენტს ამავე საავადმყოფოში ჩაუტარდა ოპერაცია", - ნათქვამია განცხადებაში.
ადმინისტრაციის ინფორმაციით, დაგეგმილი შეხვედრები და სადილი თურქეთის პრეზიდენტთან, რომლებიც 8 აპრილს იყო უნდა გამართულიყო, ხვალ გაიმართება.
მათივე ინფორმაციით, აღნიშნული შეხვედრების შემდეგ საქართველოს პრეზიდენტი თურქეთს დატოვებს.
მიხეილ სააკაშვილი თურქეთში ოფიციალური ვიზიტით 6 აპრილს გაემგზავრა.
