,,ნაციონალური მოძრაობა" უკანონოდ გათავისუფლებულ ადამიანებს იურიდიულ დახმარებას სთავაზობს. Aამის შესახებ ჟურნალისტებთან ,,ნაციონალური მოძრაობის" წევრმა ირმა ნადირაშვილმა განაცხადა, რომელმაც ჟურნალისტებს პარტიის ინიციატივა ,,პირველი რადიოს" პრესკლუბში გააცნო.
,,ყველა იმ ადამიანს ვინც სამსახურიდან გაათავისუფლეს და ყველა ის ადამიანი ვინც თვლის, რომ უსამართლოდ გაათავისუფლეს ვთავაზობთ დახმარებას. Eეს დახმარება იქნება ძალიან კონკრეტული, სამართლებრივი დაცვა. ამისთვის მზად ვართ გვერდში დაუდგეთ თითოეულ ადამიანს, რომელიც მისი აზრით, სამსახურიდან უკანონოდ გაათავისუფლეს დავეხმაროთ იურიდიული სარჩელების მომზადებაში, დავეხმაროთ მათ, რომ ეს სარჩელი მივიდეს სასამართლომდე. Mმე და ჩემი გუნდის ყველა წევრი მზად ვართ თითოეული მოქალაქის სასამართლო პროცესებს დავესწროთ და ვიბრძოლოთ მათი უფლებების აღდგენისთვის", -განაცხადა ირმა ნადირაშვილმა და აღნიშნა, რომ ამ მიზნით პარტიაში იურისტების ჯგუფი შეიქმნა.
ნადირაშვილმა იმ ადამიანებს ვინც მიიჩნევს, რომ უკანონოდ გაათავისუფლეს სამსახურიდან მოუწოდა ,,ნაციონალური მოძრაობის" რეგიონალ ოფისებში მივიდნენ და დატოვონ საკუთარი მონაცემები.