იმერეთის რეგიონის ვიცე-გუბერნატორმა გოჩა თევდორაძემ თანამდებობა დატოვა. მან თანამდებობიდან წასვლის შესახებ განცხადება იმერეთის სამხარეო ადმინისტრაციის კანცელარიაში უკვე ჩააბარა. როგორც ჟურნალისტებთან თევდორაძემ განაცხადა მისი თანამდებობიდან წასვლა საკრებულოში, "ნაციონალური მოძრაობიდან" წასული დეპუტატების მიერ ახალი პარტიის შექმნასა და ბიძინა ივანიშვილის მხარდაჭერას უკავშირდება.
,, საკრებულოში რადიკალურად შეიცვალა პოლიტიკურ ძალთა თანაფარდობა. Aამის წინა პირობა იყო ქუთაისში მძლავრი პოლიტიკური პარტიის ,,საქართველოს პატრიოტთა ალიანსის" გახსნა და ჩვენს საკრებულოში ათკაციანი ფრაქციის შექმნა, რომელიც ,,ნაციონალური მოძრაობის" ფრაქციის შვიდი ყოფილი წევრისგან შეიქმნა. Aამ ფრაქციის მიზნებისა და ამოცანების შესახებ ჩემთვის ცნობილია და უნდათ რადიკალურად შეცვალონ ის ქაოტური სიტუაცია რაც დღეს გვაქვს ყველა სფეროში. Aამდენად რადგან მჭიდროა ჩემი კავშირი იმ პარტიასთან, რომელიც ზემოთ აღვნიშნე და ამ პროცესებთან მაქვს გარკვეული მხარდაჭერა, რაც საკრებულოში ხდება მიზანშეუწონლად ვთვლი ჩემს მუშაობას გუბერნატორის მოადგილის თანამდებობაზე", _ განაცხადა თევდორაძემ.
შეგახსენებთ, რომ გოჩა თევდორაძე საქართველოს პარლამენტის ორი მოწვევის დეპუტატი იყო, ბოლო ოთხი თვის მანძილზე კი იმერეთის რეგიონის გუბერნატორის პირველ მოადგილედ მუშაობდა.