თბილისის საკრებულოში ახალი ფრაქცია "დამოუკიდებელი დემოკრატები" შეიქმნა. დამოუკიდებელი დეპუტატის დავით ჯინჭარაძის განცხადებით, ახლად შექმნილ ფრაქციაში მასთან ერთად გიორგი ქველაძე და გელა ომანაძე იქნებიან.
ჯინჭარაძის თქმით, ის იურიდიული კომიტეტის თავმჯდომარეცაა, ამიტომ ფრაქციის თავმჯდომარე გიორგი ქველაძე იქნება.
დავით ჯინჭარაძის ინფორმაციით, "დამოუკიდებელი დემოკრატები" ადამიანის უფლებების დაცვისა და სოციალური პრობლემების კუთხით იმუშავებენ.
ჯინჭარაძე სამკაციანი ფრაქციის გაფართოებას არ გამორიცხავს და აცხადებს, რომ ისინი მზად არიან ითანამშრომლონ საკრებულოს დანარჩენ ხუთ ფრაქციასთან.
სამივე დამოუკიდებელი დეპუტატი ფრაქცია "ნაციონალური მოძრაობის" ყოფილი წევრია.