იუსტიციის მინისტრი აგვისტოს ომთან დაკავშირებით პრეზიდენტის დაკითხვის აუცილებლობაზე საუბრობს. როგორც თეა წულუკიანმა ჟურნალისტებთან შეხვედრისას განაცხადა აგვისტოს ომთან დაკავშირებით ბევრი სხვა ყოფილი მაღალჩინოსანიც დაიკითხება.
"ჰააგის სასამართლოში პროკურორთან შესულია არაერთი ინფორმაცია, რომლის თანახმადაც, ჩივიან მოქალაქეები, არასამთავრობო ორგანიზაციები, სხვადასხვა ქვეყნიდან და ამბობენ, რამდენადაც ჩვენთვის არის ცნობილი, რომ აგვისტოს ომის დროს სხვადასხვა პირებმა, სხვადასხვა ეთნიკური წარმოშობის და სხავადასხვა თანამდებობის პირებმა ჩაიდინეს, სავარაუდოდ კაცობრიობის წინააღმდეგ მიმართული ან სხვა ისეთი დანაშაული, რომელიც შესაძლოა ომის დანაშაულად დაკვალიფიცირდეს. ჩვენი ვალდებულება არ გავხადოთ ეს საქმე საერთაშორისო ტრიბუნალის განსახილველი და ჩვენს პრობლემებს თავად მოვუაროთ, იმ ვალდებულების ფარგლებში რომელიც გვაქვს", -განაცხადა წულუკიანმა და აღნიშნა, რომ თუ ამ საქმეს ქართული მხარე ვერ გამოძიებას მას ჰააგის სასამართლო გამოიძიებს.
"სახეზეა მრავალი ათეული ტომი ამ საქმის გამოძიებასთან დაკავშირებით წინა ხელისუფლების მიერ ნაწარმოები, თუმცა არის კითხვის ნიშნები, რატომ წარიმართა გამოძიება მხოლოდ რამდენიმე მიმართულებით. ჩემი მიზანია გამოძიება წარიმართოს ყველა მიმართულებით, მაგრამ საქართველოში. ეს მოიაზრებს სავარაუდოს არა მხოლოდ ამჟამინდელ პრეზიდენტს, რომელიც დაკითხვის დროს შეიძლება აღარ იყოს პრეზიდენტი, მაგრამ დაკითხოს და ბევრი სხვა მაღალჩინოსნის დაკითხვასაც", _ განცხადა წულუკიანმა.
