,,მართლმსაჯულების რეფორმა გაგრძელდება", -განაცხადა გორში ჟურნალისტებთან შეხვედრისას იუსტიციის მინისტრმა თეა წულუკიანმა და აღნიშნა, რომ უახლოეს მომავალში დაგეგმილია სადისციპლინო პროცედურებთან დაკავშირებით
"მართლმსაჯულების რეფორმა გაგრძელდება. ჩვენ უკვე რეფორმას ჩავატარებთ სადისციპლინო პროცედურებთან დაკავშირებით. იუსტიციის უმაღლეს საბჭოსთან დაკავშირებით მომავალში უფრო ღრმა რეფორმა უნდა ჩატარდეს. რაც არა ნაკლებ მნიშვნელოვანია იუსტიციის უმაღლესი სკოლა საჭიროებს აუცილებელ რეფორმას", -განაცხადა წულუკიანმა, რომელმაც ,,პროკურატურის შესახებ" კანონთან დაკავშირებითაც ისაუბრა.
,,პროკურატურის შესახებ" კანონპროექტი პარალმენტში იხილება. მე მინდა მივესალმო ამ კანონპროექტს და იმედი მაქვს, რომ ის ძალიან მალე კანონად იქცევა, რადგან ამით საფუძველი ჩაეყრება საქართველოს იუსტიციის მინისტრის განუსაზღვრელი უფლებების შეზღუდვას", _განაცხადა წულუკიანმა და აღნიშნა, რომ კანონის ძალაში შესვლისთანავე იუსტიციის მინისტრი პროკურორი აღარ იქნება.
,,არ შეიძლება პოლიტიკური ფიგურა იყოს სისხლის სამართლებრივი საქმეების მდგენელი. Eეს არის ადეიშვილის მიერ საკუთარი თავისთვის შექმნილი მკანონი და ის უნდა გაუქმდეს", _განაცახდა წულუკიანმა.
