პარლამენტის თავმჯდომარე დავით უსუფაშვილი საპარლამენტო დელეგაციასთან ერთად, ხვალ ოფიციალური ვიზიტით პოლონეთის რესპუბლიკას ეწვევა.
ვიზიტის ფარგლებში, უსუფაშვილი ვარშავაში პოლონეთის რესპუბლიკის პრეზიდენტს ბრონისლავ კომოროვსკის, სენატის თავმჯდომარეს ბოგდან ბორუსევიჩს და სეიმის თავმჯდომარეს ევა კოპაჩის შეხვდება.
დაგეგმილია ასევე, შეხვედრები საპარლამენტო უმრავლესობის და უმცირესობის წარმომადგენლებთან და პოლონეთი-საქართველოს მეგობრობის საპარლამენტო ჯგუფთან. შეხვედრები გაიმართება პოლონეთის აღმასრულებელი ხელისუფლების წარმომადგენლებთანაც.
ვარშავაში ვიზიტის დროს, პარლამენტის თავმჯდომარე უცნობი ჯარისკაცის საფლავს გვირგვინით შეამკობს და პოლონეთის საერთაშორისო ურთიერთობების ინსტიტუტის სტუდენტებსაც შეხვდება.
საპარლამენტო დელეგაციის პოლონეთში ვიზიტი 10 აპრილს დასრულდება.
