ყოფილი საგარეო საქმეთა მინისტრი სალომე ზურაბიშვილი ქართველი ახალგაზრდების მოსკოვში გამგზავრებას და იქ 9 მაისის ღონისძიებებში მათი მონაწილეობის შესახებ გავრცელებულ ინფორმაციას განცხადებით ეხმიანება. ზურაბიშვილი აღნიშნავს, რომ რამდენიმე დღეა ელოდება ამ ინფორმაციის უარყოფას, თუმცა უშედეგოდ.
"ცოტა არ იყოს გამიკვირდა ინფორმაცია, რომლის მიხედვით ოცნების ახალგაზრდული ფრთა მოსკოვში 9 მაისის გამარჯვების დღესასწაულებში მონაწილეობას აპირებს! არ ვიცი ვინ არის ახალგაზრდული ფრთის თავჯდომარე და რამდენად დამოუკიდებლად მოქმედებს და არ ვიცი ეს ინფორმაცია რამდენად ესატყვისება სიმართლეს, თუმცა ორი დღეა ველოდები ამ ინფორმაციის უარყოფას და არაფერი... ასე რომ და ყოველშემთხვევისთვის, ჩემი აზრის გამოთქვა უპრიანად მიმაჩნია: გაუმართლებლად და მიზანშეუწონლად მიმაჩნია ასეთი ჟესტი დღევანდელ დღეს და ეს სტრატგეიულ როგორც ტაკტიკურ მხრიდან.
- სტრატეგიულად იმიტომ, რომ ასეთ სიმბოლურ ღონისძიებაში მონაწილეობა ატარებს ოფიციალურ განაცხადის დატვირთვას და ვერ იქნება აღქმული როგორც საზოგადებრივი "ხალხთა შორის" ნაბიჯი რაც არ უნდა გვინდოდეს ამის ასე მონათვლა. სანამ ჩვენ არ გადავედით "შინაარსობრივად" სხვა ურთიერთობის საფეხურზე, რომელიც გადის მთავარ მტკივნეულ საკითხებზე მოლაპრაკების დაწყებაზე ( და არ ვგულისხმობ "გადაწყვეტას") მანამდის ასეთი სიმბოლურ ფორმალურ ნაბიჯებისგან თავს ალბად უნდა ვიკავებდეთ ... კონკრეტულად ეს ნაბიჯი არ მიმაჩნია სწორ ნაბიჯად და ამითი დაწყება არა სწორად ... (სამაგიეროთ კი კულტურული და ეკონომიკური ნაბიჯები კანონზომიერებაში ჯდებადა გამართლებულია)
- ტაკტიკურად იმიტომ, რომ როცა ნაციონალური მოძრაობა აპირებს 19 აპრილს გარე მსოფლიოს დაუმტკიცოს რომ ევროპის და დასავლეთის მომხრე მხოლოდ თვითონაა ( რასაც მეც ვიცი რომ ვერ შეძლებს) ვერ ვხედავ საჭიროებას იმისი, რომ თუნდაც ირიბად ამ წისკვილზე წყალი დავასხათ... ჩვენივე ხელით?????
ახალგაზრდულ ფრთას ალბად დღევანდელ საქართველოში ბევრი სხვა საქმე უნდა ჰქონდეს თუნდაც ის რომ საზღვარგარეთ და არა მხოლოდ რუსეთში მაგრამ რუსეთში-ც, საქართველოს სახე წარმოაჩინოს როგორიც არის ყველანაირი პიარისტული დამახინჯებების გარეშე.... ასევე ალბათ ბევრი საქმე გააჩნია შიგნით, რათა საქართველოს ახალგაზრდობა პატრიოტების სამარცხვინო ღონისძიებებიდან ნამდვილ პატრიოტულ საქმეზე გადაიყვანოს: ძეგლთა დაცვა, ნარკოტიკების წინააღმდეგ ბრძოლა, სიღარიბის წინააღმდეგ ბრძოლა.... და კიდევ რამდენი სხვა კეთილშობილური საქმე....
მოსკოვში სიარული კი უფროსებს ანდონ: ამას სიფრთხილე, აწონ-დაწონვა და სხვა გამოცდილება სჭირდება!
პს. იმედს მაინც ვიტვებ რომ ეს რიგითი ჭორი აღმოჩნდება ან აგორებული პროვოკაცია ... მაგრამ თქმა სჯობს..." - წერს სალომე ზურაბიშვილი.