კოალიცია "ქართული ოცნების" მარტვილის ორგანიზაციის წევრები პრემიერ-მინისტრთან შეხვედრის მოთხოვნით, მთავრობის კანცელარიასთან შიმშილობის დაწყებას აპირებენ.აქციის მონაწილეები მარტვილიდან უკვე გამოემგზავრენ, გეგმების შესახებ კი, თბილისში ჩამოსვლამდე განაცხადეს.
აქციის მონაწილეების განცხადებით, მარტვილში ადგილობრივი ხელისუფლების დონეზე ცვლილებები არ მომხდარა და არც დამნაშავე პირები დასჯილან.
"ჩვენ ვთვლით, რომ მას არა აქვს სრულყოფილი ინფორმაცია, თუ რა ხდება სამეგრელოში, კერძოდ, მარტვილის რაიონში. ჩვენ არ დავუშვებთ "ნაციონალების" დაბრუნებას ხელისუფლებაში, მითუმეტეს "ქართული ოცნების" სახელით. გვინდა ჭეშმარიტი, მართლმადიდებლური საქართველოს მშენებლობა და არა სააკაშვილის, მერაბიშვილის, ახალაიების და გოროზიების მართულ საქართველოში ცხოვრება", - განაცხადა აქციის ერთ-ერთმა მონაწილე მევლუდ კეშელავამ.
მისივე თქმით, შიმშილობას ერთადერთი მოთხოვნით - პრემიერ-მინისტრთან შეხვედრით იწყებენ.
აქციის მონაწილეების განცხადებით, ისინი პრემიერთან საუბარს რეგიონში არსებულ ვითარებაზე აპირებენ.