,,თურქეთი სერიოზულად არის დაინტერესებული საქართველოს ტერიტორიული მთლიანობის აღდგენითა და კონფლიქტების მოგვარებით", _განაცხადა ჟურნალისტებთან პარლამენტის თავმჯდომარემ დავით უსუფაშვილმა თურქეთის ელჩისა და დეპუტატებთან შეხვედრის შემდეგ.
"საქართველოს პარლამენტში ძალიან კარგი ტრადიცია დამკვიდრდა ელჩების სტუმრობის. საუბარი ხდება ყველა იმ საკითხზე, რომელიც ორი ქვეყნის ურთიერთობას შეეხება. ბატონმა ელჩმა მიმოიხილა ყველა ის პოტენციალი, რომელიც ორი ქვეყნის ურთიერთობაშია. საუბარია დამატებით პროექტებზე, დამატებით გამშვებ პუნქტებზე ორი ქვეყნის საზღვარზე. რაც გააუმჯობესებს მოქალაქეების გადაადგილებას. ვმსჯელობთ თურქეთის დახმარებაზე ნატო-ში ინტეგრაციის პროცესში. ამაზე ყურადღება თურქეთის საგარეო საქმეთა მინისტრის ვიზიტის დროსაც გამახვილდა და ველით მათ მხარდაჭერას", _განაცხადა უსუფაშვილმა.
