ქუთაისის საკრებულოში ფრაქცია "ნაციონალურმა მოძრაობამ" უმრავლესობა დაკარგა.
დღეს ფრაქცია ხუთმა დეპუტატმა დატოვა. ორი წევრი კი, ფრაქცია "მაჟორიტარებს" გამოაკლდა.
დეპუტატები ახალი ფრაქციის შექმნას გეგმავენ და აცხადებენ, რომ "ნაციონალურ მოძრაობაში" საკუთარი თავი ამოწურეს.
"ამოვწურე ჩემი შესაძლებლობები "ერთიან ნაციონალურ მოძრაობაში" მუშაობისა, ამიტომ მივიღეთ გადაწყვეტილება. მძიმე გადაწყვეტილებაა მართალია ჩემთვის, მაგრამ შეიძლება სასიკეთოა საზოგადოებისთვის", - განაცხადა ქუთაისის საკრებულოს წევრმა კახა ნემსიწვერიძემ.
ამ ეტაპზე ფრაქცია "ნაციონალურ მოძრაობაში" ოთხი დეპუტატი რჩება.