თბილისის მერმა გიგი უგულავამ დღეს მერიის მთავრობის სხდომაზე, საზოგადოებრივი მაუწყებლის საინფორმაციო სამსახურის ყოფილი უფროსი ხათუნა ბერძენიშვილი კრწანისის რაიონის გამგებლად წარადგინა.
როგორც სხდომაზე უგულავამ აღნიშნა, მერიის სურვილია, გამგებლის ტრადიციული ფუნქციების შესახებ შეხედულებების ჩარჩოებიდან გავიდეს, რომელიც ადრე მხოლოდ სამეურნეო ფუნქციებს გულისხმობდა.
"პირველ რიგში, გამგებლის ფუნქცია უნდა იყოს სწორედ პოლიტიკური ფუნქცია, სადაც იგულისხმება ყველა იმ ადამიანის დაცვა, რომელიც შეიძლება სხვადასხვა ნიშნით სხვადასხვა ადამიანმა შეავიწროვონ და იმედი მაქვს, რომ ამ ფუნქციას საზოგადოება მალე დაინახავს", - განაცხადა გიგი უგულავამ.
ხათუნა ბერძენიშვილი კრწანისის რაიონში გამგებლად მუშაობას დღეიდან შეუდგება.