,,ევროპის საბჭოს ქარტიის რატიფიცირება მხოლოდ შესაბამისი დისკუსიის შემდგომ უნდა მოხდეს", -განაცხადა ჟურნალისტებთან საგარეო საქმეთა მინისტრის მოადგილემ დავით ზალკალიანმა საპატრიარქოს მიერ გავრცელებული განცხადების კომენტირებისას და აღნიშნა, რომ ევროპის საბჭოს ქარტია არის ვალდებულება, რომლიც საქართველომ ჯერ კიდევ 1999 წელს აიღო.
,,მოგეხსენებათ, რომ ევროპის საბჭოს ქარტია არის ვალდებულება, რომლიც საქართველომ ჯერ კიდევ 1999 წელს აიღო. ამ ქარტიის არა თუ რატიფიცირება, არამედ საქართველოს ქარტიაზე ხელიც კი არ აქვს მოწერილი. ასე, რომ წინა არის უამრავი სამუშაო ჩასატარებელი, ეს არის ძალიან გულდასმით შესასწავლი საკითხი, რომლის გარშემო მიმაჩნია, რომ უნდა გაიმართოს დისკუსია. მასში აუცილებლად უნდა იყოს ჩართული საზოგადოების, არასამთავრობო ორგანიზაციის წარმომადგენლები, ისევე როგორც საპატრიარქო რომელმაც გამოხატა, დააფიქსირა თავისი პოზიცია ქარტიასთან დაკავშირებით. მხოლოდ შესაბამისი დისკუსიის შემდგომ და მხოლოდ გარკვეული პოზიციების შეჯერების შემდგომ უნდა მიიღოს საქართველომ გადაწყვეტილება", _განაცხადა ზალკალიანმა.
შეგახსენებთ, რომ საქართველოს კათოლიკოს-პატრიარქი რეგიონული და უმცირესობების ენების შესახებ ევროპული ქარტიის შესახებ განცხადებას აკეთებს, რომელსაც უცვლელად გთავაზობთ:
"ბოლო დროს კვლავ განახლდა მსჯელობა რეგიონული და უმცირესობების ენების შესახებ ევროპული ქარტიის თაობაზე, რაც, ჩვენი აზრით, მიუღებელია, რადგან იგი გამოიწვევს სეპარატისტული მოძრაობის გაძლიერებას და ქვეყნისათვის ახალი უმძიმესი პრობლემების შექმნას.. ვიდრე ჩვენთან ეროვნულ უმცირესობებში სახელმწიფო ენის ცოდნის საკითხი არ მოგვარებულა და ვიდრე საქართველოს ტერიტორიული მთლიანობა არ აღმდგარა, პარლამენტის მიერ ამის რატიფიცირება დაუშვებლად მიგვაჩნია", - ნათქვამია პატრიარქის განცხადებაში.
